Şeyxülislam həzrətlərindən Türkiyənin Diyanət İşləri Başkanına başsağlığı məktubu

16.04.2026

Türkiyə Cümhuriyyətinin Diyanət İşləri Başkanı
möhtərəm Prof. Dr. Safi ARPAQUŞ həzrətlərinə

Hörmətli cənab Başkan, əziz qardaşım!

Son günlərdə Şanlıurfa və Kahramanmaraşda müəllim və şagirdlərə qarşı törədilmiş qətl hadisəsi bütövlükdə Azərbaycan xalqının və şəxsən mənim kədərimə səbəb oldu. Ümid edirəm ki, qardaş Türkiyədə mövcud olan əmin-amanlığa xələl gətirən bu kimi hadisələr bir daha təkrarlanmayacaq.

Kədərinizi sizinlə bölüşür, həlak olanların ailələrinə, yaxınlarına, bütün Türkiyə xalqına öz adımdan, Qafqaz və Azərbaycan müsəlmanları adından dərin hüznlə başsağlığı verir, yaralananlara və xəsarət alanlara Allahdan şəfalar diləyirəm.

Allah yardımçınız olsun!

Dərin hörmətlə Şeyxülislam

Prof.dr.Allahşükür PAŞAZADƏ

16.4.2026 - 17:23

Oxunub : 569